Marka er ein royndarsíða, har tú kanst royna at marka føroyskan tekst við BRAGD-markaranum hjá Máltøknideplinum. Skriva ein setning ella ein stuttan tekst í teigin og trýst á “Marka.” Síðani fært tú eina talvu, har hvørt orð verður víst saman við sínum BRAGD-marki og einari frágreiðing av markinum. Markið vísir síðani orðaflokk og onnur mállærulig eyðkenni sum kyn, tal, fall, tíð, hátt og persón.
Úrslitið kann vísast á føroyskum ella enskum, og talvurnar kunnu takast niður sum TSV-fílur.
Amboðið er bygt á BRAGD, ein part-of-speech-markara til føroyskt. Markarin er bygdur á ScandiBERT og er trenaður upp á markaðu tekstagrunnarnar Sosialurin-BRAGD (tíðindagreinar) og OOD-BRAGD (ymisk tekstasløg).
Tú kanst lesa meir um BRAGD her.
