Tosa er eitt føroyskt tekstur-til-talu-amboð frá Punktum.fo. Har kanst tú skriva ella seta føroyskan tekst inn og fáa hann lisnan upp við einari føroyskari, vitlíksgjørdari rødd. Tað er sama rødd, sum Punktum.fo brúkar til upplestur av sínum tíðindum.
Ein serligur fyrimunur við Tosa er, at teldutalan fer fram beinleiðis á eindini hjá brúkaranum. Neyðuga modellið verður koyrt lokalt í netkaganum, og teksturin verður tí ikki sendur til ein uttanhýsis servara fyri at verða gjørdur til talu. Hetta er hent við atliti at dátuvernd.
Tænastan byggir á føroyskt talutilfar og MMS-TTS (Massively Multilingual Speech Text-to-Speech) frá Meta. MMS er ein røð av teldutalumyndlum, sum Meta hevur ment fyri at gera teldutalu tøka á meira enn túsund málum, teirra millum føroyskum.
Tænastan er ókeypis til persónliga nýtslu og er grundað á tilfar undir loyvinum CC BY-NC 4.0.
